Thursday 19th of November 2026 08:23:39 AM

Breaking News
  • शिवराज सिंह चौहान 20 नवम्बर को स्वदेशी बर्ड फ्लू वैक्सीन राष्ट्र को करेंगे समर्पित |
  • इफ्की 2026 में सर्वश्रेष्ठ वेब सीरीज पुरस्कार के लिए 5 वेब सीरीज नामांकित|
  • अखिलेश यादव ने गोरखपुर में किया रोड शो |
Facebook Comments
By : Nishpaksh Pratinidhi | Published Date : 25 Nov 2021 5:51 PM |   908 views

शरद ऋतु

शरद ऋतु आपन रंग देखावे लागल
गीत द्वारे द्वारे आ के गावे लागल
पानी सिकुड़ल नदियन के चमक नया भइल
रहल बादल उतपाती कहीं हेरा गइल
गॅवे गॅवे जब डेग शरद बढ़ावे लागल
 
गीत द्वारे द्वारे आ के गावे लागल
सोन्हापन माटी के फूलन के गंध में
भइले व्यस्त माली कुल अपने प्रबंध में
होरी धनिया के हिया हुलसावे लागल
गीत द्वारे द्वारे आ के गावे लागल
 
हरियाली लउके जइसे आइल बहार
करेले धरती आपन रातो दिन सिंगार
घमवा दुपहरियो में गुदगुदावे लागल
गीत द्वारे द्वारे आ के गावे लागल
कुछ गुंजन कलियन के गलियन से सुनाता
लागता कहीं भौरा के पंख फड़फड़ाता
 
प्यास सपना के दिनवो में जगावे लागल
गीत द्वारे द्वारे आ के गावे लागल
चमके ले दूध नीयर चम चम चनरमा
चांदनी के देख बुताइए जाले शमाँ
 
नौका विहार माझियो करावे लागल
गीत द्वारे द्वारे आ के गावे लागल
शरद ऋतु आपन रंग जमावे लागल
गीत द्वारे द्वारे आ के गावे लागल
Facebook Comments